Press Freedom: 5 நாள் அதிரடி சோதனையும், சாதனையும்

பத்திரிகையாளர் பணியில் மறக்க முடியாத பல சோதனைகளும் சாதனைகளும் நிறைந்த வரலாற்றுப் பக்கங்கள் பல உள்ளன. தமிழ்நாட்டில் ஊடகத்துறையினர் சந்தித்த அத்தகைய ஒரு சவாலான பத்திரிகை சுதந்திரம் (Press Freedom) போராட்டம் நடந்து இன்றுடன் 25 ஆண்டுகள் நிறைவடைந்துவிட்டது.

கடந்த 2001 ஆம் ஆண்டு ஜூன் மாதத்தில் நடந்த அந்த 5 நாட்கள் பரபரப்பான சம்பவங்கள் தற்போதும் செய்தித் துறையில் ஒரு உன்னதமான பாடமாக விவரிக்கப்படுகிறது.

நுகர்பொருள் வாணிபக் கழக கிடங்கு ஆய்வு பின்னணி

கடந்த 2001 ஆம் ஆண்டு மே மாதத்தில் தமிழ்நாட்டில் புதிய ஆட்சி அமைந்தது. அப்போதைய முதலமைச்சர் ஜெ.ஜெயலலிதா பொறுப்பேற்று 45 நாட்களே கடந்திருந்த ஒரு பரபரப்பான அரசியல் சூழ்நிலை அதுவாகும்.

முந்தைய திமுக ஆட்சியில் மக்கள் பயன்பாட்டுக்கு உதவாத புழுத்த அரிசி மூட்டைகள் வாணிபக் கழக கிடங்குகளில் வைக்கப்பட்டிருப்பதாக ஒரு குற்றச்சாட்டு பரவலாக முன்வைக்கப்பட்டது.

இதனைத் தொடர்ந்து அப்போதைய விழுப்புரம் சட்டமன்ற உறுப்பினரான க.பொன்முடி இந்த விவகாரம் குறித்து நேரடி ஆய்வு நடத்த முடிவு செய்து செய்தியாளர்களுக்கு அழைப்பு விடுத்தார்.

இதைப் படித்தீர்களா? TVK Rule: 6 சாதனைகளும், 6 சோதனைகளும்!

விழுப்புரம் அரிசி கிடங்கு சம்பவத்தின் உண்மை என்ன

தேதி 26.06.2001 அன்று விழுப்புரம் நுகர்பொருள் வாணிபக் கழக சேமிப்புக் கிடங்கில் ஆய்வு நடத்த நிருபர்களுக்கு பொன்முடி தொலைபேசி மூலம் தகவல் அளித்தார்.

இந்த அழைப்பை ஏற்று சன் டிவி நிருபர் சுரேஷ் மற்றும் சில முன்னணி நாளிதழ் நிருபர்களுடன் தினமணி நிருபராக நானும் (Ramalingam Rathinasamy) அங்கு சென்றிருந்தேன்.

அங்குள்ள தரக்கட்டுப்பாட்டு ஆய்வாளர் காசிநாதனை சந்தித்து அவரின் அனுமதியுடன் அரிசி கிடங்கினுள் செய்தியாளர்கள் அனைவரும் ஒன்றாகச் சென்றோம்.

அக்காலத்தில் நிருபராக இருந்தாலும் நானே கேமராவில் புகைப்படங்களையும் வீடியோக்களையும் நேரடியாகப் பதிவு செய்யும் வழக்கத்தைக் கொண்டிருந்தேன்.

ஆய்வின் போது அங்கு புழுத்த அரிசி மூட்டைகள் எதுவும் இல்லை என்பதை பொன்முடி நிருபர்களிடம் நேரடியாக ஆதாரங்களுடன் நிரூபித்துக் காட்டினார்.

அங்கு பணியாற்றிய நுகர்பொருள் வாணிபக் கழக அலுவலர்களும் கிடங்கில் புழுத்த அரிசி மூட்டை ஒன்று கூட கிடையாது என்று செய்தியாளர்களிடம் உறுதியளித்தனர்.

ஆனால் ஆய்வு முடிந்து வெளியே வந்த சில நிமிடங்களில் இந்த விவகாரம் பெரிய அரசியல் சர்ச்சையாக மாறி அரசுக்கு நெருக்கடியை ஏற்படுத்தியது.

அதிகாரிகளின் உத்தரவு மீறப்பட்டதாகக் கூறி அன்றைய தினமே மாலையில் முன்னாள் அமைச்சர் பொன்முடி காவல்துறையினரால் அதிரடியாகக் கைது செய்யப்பட்டார்.

Press Freedom சந்தித்த சோதனை:

மறுநாள் தேதி 27.06.2001 அன்று நான் தினமணி நாளிதழுக்கு அனுப்பிய முழுச் செய்தியும் முதல் பக்கத்தில் பாட்டம் ஸ்பிரெட்டாக வெளியானது.

அரிசி கிடங்கில் புழுத்த அரிசி இல்லை என்ற தலைப்போடு புகைப்படத்துடன் அந்த செய்தி பிரசுரமாகி அரசியல் வட்டாரத்தில் பெரும் பரபரப்பை ஏற்படுத்தியது.

அன்றைய தினமே கிடங்கினுள் சென்ற நிருபர்களும் கைது செய்யப்படலாம் என்ற ரகசியத் தகவல் விழுப்புரம் பகுதியில் வேகமாகப் பரவத் தொடங்கியது.

அரசியல் அழுத்தம் காரணமாக சன் டிவி செய்தியாளர் சுரேஷை கைது செய்ய காவல்துறையினர் தீவிரமாக வலைவீசித் தேடி வந்தனர்.

அன்று மாலை எனது வீட்டுக்கு வந்த காவல் ஆய்வாளர் ராதாகிருஷ்ணன், சுரேஷ் இருக்கும் இடத்தை தெரிவிக்குமாறு என்னிடம் கடுமையாக நெருக்கடி கொடுத்தார்.

நான் மறுக்கவே என்னை விசாரணைக்காக இருசக்கர வாகனத்தில் காவல் நிலையத்திற்கு வருமாறு அவர் காவல் துறைக்கே உரிய பாணியில் கேட்டுக்கொண்டார்.

இதற்கிடையே இந்த செய்தி தினமணி ஆசிரியர் ஆர்.எம்.டி. சம்மந்தம் அவர்களின் கவனத்திற்கு கொண்டு செல்லப்பட்டு எனக்கு முழு ஆதரவு கிடைத்தது.

அன்று நள்ளிரவு சன் டிவி செய்தியாளர் சுரேஷ் கைது செய்யப்பட்டு கடலூர் மத்தியச் சிறையில் அடைக்கப்பட்ட செய்தி காட்டுத்தீயாகப் பரவியது.

இதையும் படியுங்கள் – Minister Viswanathan சர்ச்சை: காங்கிரஸுக்கு தலைக்குனிவு!

தமிழகம் தழுவிய பத்திரிகை சுதந்திரம் (Press Freedom) போராட்டம்

விழுப்புரம் சன் டிவி செய்தியாளர் சுரேஷ் கைது செய்யப்பட்ட சம்பவத்தைக் கண்டித்து தமிழகம் முழுவதும் நிருபர்கள் கொதித்தெழுந்து தங்களின் எதிர்ப்பைப் பதிவு செய்யத் தொடங்கினர்.

தேதி 28.06.2001 அன்று சென்னை செய்தியாளர்கள் முதலமைச்சர் ஜெயலலிதாவைச் சந்தித்து நிருபர்கள் மீதான வழக்குகளை வாபஸ் பெற மனு அளிக்க முயன்றனர்.

அப்போது கோட்டைக்கு வெளியே காவல்துறையினர் செய்தியாளர்களை மூர்க்கத்தனமாக பின்னுக்குத் தள்ளி ஜனநாயகத்திற்கு எதிரான அராஜகத்தில் ஈடுபட்டனர்.

இதில் பெண் நிருபர் ஒருவரும் இரண்டு கேமராமேன்களும் கீழே விழுந்து படுகாயமடைந்தது ஊடக உலகினரை பெரும் அதிர்ச்சியில் ஆழ்த்தியது.

பாதிக்கப்பட்ட செய்தியாளர்கள் அனைவரும் சாலையிலேயே அமர்ந்து தங்களின் நியாயமான பத்திரிகை சுதந்திரம் (Press Freedom) உரிமைகளுக்காகப் போராடத் தொடங்கினர். பத்திரிகை சுதந்திரம் (press freedom) பறிக்கப்படுவதாக குற்றம் சாட்டி குரல் எழுப்பினர்.

கோட்டையை நோக்கி ஊர்வலம் சென்ற பத்திரிகை ஜாம்பவான்கள்

அடுத்த நாள் தேதி 29.06.2001 அன்று தினமணி ஆசிரியர் ஆர்.எம்.டி. சம்மந்தம் உள்ளிட்ட பத்திரிகை உலக ஜாம்பவான்கள் சேப்பாக்கத்தில் திரண்டனர். பத்திரிகை சுதந்திரம் (Press Freedom) அந்த ஆட்சியில் பறிக்கப்படுவதை் தடுக்க நடவடிக்கை எடுக்க முடிவு செய்தார்கள். பத்திரிகை சுதந்திரம் (Press Freedom) தொடர்பான வாசகங்களை தாங்கிய பதாகைகளை ஏந்தி கோட்டையை நோக்கி ஊர்வலமாக புறப்பட்டனர்.

பத்திரிகை சுதந்திரம் (Press Freedom) போர் முழக்கம் எழுப்பியவாறு சென்ற 150-க்கும் மேற்பட்ட மூத்த பத்திரிகையாளர்கள் காவல்துறையினரால் அதிரடியாகக் கைது செய்யப்பட்டனர்.

இந்தக் கைது நடவடிக்கை காரணமாக ஒட்டுமொத்த தமிழ்நாட்டிலும் ஊடகப் போராட்டம் தீவிரமடைந்து கடுமையான பதற்றமான சூழல் உருவானது.

அதே நேரத்தில் விழுப்புரம் நீதிமன்றத்தில் செய்தியாளர் சுரேஷ் தொடர்பான வழக்கு விசாரணைக்கு வந்தபோது நாங்களும் அங்கு பதற்றத்துடன் காத்திருந்தோம்.

விசாரணையின் இறுதியில் அரசு தரப்பு செய்தியாளரை காவலில் வைக்கத் தேவையில்லை எனக் கூறியதால் சுரேஷ் நீதிமன்றத்தால் உடனடியாக விடுவிக்கப்பட்டார்.

அரசுக்கு எதிரான இப்போராட்டத்தின் மூலம் தமிழ்நாட்டில் உண்மையான பத்திரிகை சுதந்திரம் (Press Freedom) என்பது மீண்டும் நிலைநாட்டப்பட்டது.

நள்ளிரவில் அரங்கேறிய முன்னாள் முதல்வர் கருணாநிதி கைது சம்பவம்

பத்திரிகையாளர்கள் விடுவிக்கப்பட்ட சில மணி நேரங்களிலேயே அடுத்த பெரிய அதிரடி திருப்பமாக தேதி 30.06.2001 அதிகாலை அரங்கேறியது.

முன்னாள் முதலமைச்சர் மு.கருணாநிதி அவர்களின் கோபாலபுரம் வீட்டிற்குள் நள்ளிரவில் புகுந்த காவல்துறை அவரை கைது செய்தது.

கைது செய்யப்பட்ட கருணாநிதி வேப்பேரி காவல் நிலையத்திற்கு கொண்டு வரப்பட்ட போது அங்கு செய்தி சேகரிக்கச் சென்ற நிருபர்கள் தடுத்து நிறுத்தப்பட்டனர்.

காவல்துறையினர் நடத்திய தடியடியில் பல கேமராமேன்கள் ஓட ஓட விரட்டப்பட்டு அவர்களின் உபகரணங்களும் சேதப்படுத்தப்பட்டன.சிலர் காயமடைந்தனர்.

இருப்பினும் பத்திரிகையாளர்கள் காவல் நிலையத்தின் சுற்றுச் சுவர் ஏறி குதித்து துணிச்சலுடன் செய்திகளைச் சேகரித்து அன்று நள்ளிரவு வெளி உலகிற்கு கொண்டு வந்தனர்.

உணவையும் உறக்கத்தையும் மறந்து கடமையுணர்ச்சியோடு ஊடகத்தினர் களப்பணியாற்றிய அந்த ஐந்து நாட்கள் வரலாற்றில் என்றும் அழியாதவை..

நேர்மையோடும் துணிச்சலோடும் உழைக்கும் போது கிடைக்கும் அங்கீகாரமே பத்திரிகை சுதந்திரம் (Press Freedom) போராட்டத்தின் உண்மையான வெற்றியாகும்.

இதையும் பாருங்கள் – BBC எப்படி சுதந்திரமாக செயல்படுகிறது? | Royal Charter Explained in Tamil 🎙️

மக்கள் அதிகம் கேட்கும் கேள்விகள்

#PressFreedom #TamilNaduPolitics #JournalismHistory #TNPoliticalHistory #KarunanidhiArrest #TamilJournalism #MithiranNews